FANT – BILBOKO FANTASIAZKO ZINEMALDIAK “CENSOR” BELDUR PSIKOLOGIKOKO FILMA AURKEZTUKO DU, PRANO BAILEY – BOND-EK ZUZENDUA, EDIZIO HONETAKO FANTROBIA SARIA
Filma bihar proiektatuko da, 20:40ean, Gólem – Alhóndiga zinemetako 1. aretoan.
Prano Bailey – Bond zuzendariak edizio honetako FANTROBIA Saria jasoko du, generoaren barruan gorabidean dagoen pertsona bat saritzen duena, ostiral honetan BBK Aretoan egingo den Amaiera Galan.
(Bilbon, 2022ko maiatzaren 11n).-FANT Zinemaldi Fantastikoak,Bilboko Udalak antolatuta, Prano Bailey – Bond galesak zuzendutako “Censor” beldurrezko film psikologikoa aurkeztu du. Pelikulak 28. Jaialdian parte hartu du.
Filmaren zuzendariak jasoko du aurtengo FANTROBIA Saria, generoaren barruan goraka ari den pertsona bat saritzen duena. Hilaren 13an (ostirala) jasoko du, BBK Aretoan egingo den Amaierako Galan.
Filmaren aurkezpena gaur goizean egin da Azkuna Zentroan, Leire Artigue Zinemaldiaren koordinatzaileak eta Prano Bailey – Bond filmaren zuzendari eta gidoilariak parte hartu duten prentsaurrekoan.
Filma bihar, ekainak 12, ikusi ahal izango da 20:40ko saioan, Gólem – Alhondiga zinemetako 1. aretoan.
“Censor” Enid zinema-zentsorea aurkezten du. Enid zinemako zentsorea harro dago bere lan zorrotzaz, ikus-entzule guztiak, zorrotz aztertzen dituen odolez betetako buru-mozteen eta begi erauzien ondorio kaltegarrietatik babestuz. Besteak babesteko duen betebeharra handitu egiten da erruaren ondorioz. Izan ere, ez da gai duela denbora bat gertatutako bere ahizparen desagerpenaren xehetasunak gogoratzeko. Agertu ez zenez, duela denbora gutxi hiltzat jo zen. Enidi haurtzaroko oroitzapen nahasiak gogora ekartzen dizkion artxiboko film kezkagarri bat berrikustea egokitzen zaionean, lan beldurgarri hori bere iraganarekin erlazionatuta egon daitekeela argitzen hasten da.
Bailey – Bond-en lanak, irudimenezko munduetara garamatza, hizkera iluna eta xarma kezkagarria uztartuz, edertasuna leku arrotzetan egon daitekeela erakutsiz. Varietyk “Jarraitu beharreko emakume zuzendari” izendatu zuen 2021ean, eta Screen Internationalek “Biharko izar” izendatu zuen 2018an. Film laburrean egindako lana mundu osoko ehunka jaialditan proiektatu da, eta prozesuan sari ugari irabazi ditu. Bere Shortcut (2016) filma Channel 4an eman zen nazioarteko zinemaldietan proiektatu aurretik, Sitges-en barne. Nasty (2015) bere film laburra mundu osoko 100 jaialditan baino gehiagotan proiektatu zen, BFI London Film Festivalen estreinatu zen eta mundu mailan sari asko irabazi zituen, Fantaspoako “Nazioarteko film labur onena” eta Beldurrezko Emakumeen Zinemaldikoa barne. Nasty 2016ko beldurrezko film labur onenetakoa izendatu zuten Horror Happens-ek eta Fright Meter Awards-ek. Prano BFI NETWORK@LFF 2017 programarako hautatutako 17 zinemagileetako bat izan zen. BFI, zineman jatorrizko ahots berriak inspiratzeko eta laguntzeko urtero London Film Festivalen gauzatzen den garapen profesionaleko programa da.
Antzezleak:Niamh Algar, Michael Smiley, Nicholas Burns, Vincent Franklin, Sophia La Porta, Adrian Schiller, Clare Holman.
SARRERAK
Gólem – Alhondiga zinemetako 1. aretoan programatutako emanaldietarako sarrerek ere 5 euroko prezioa izango dute. Halaber, zinema-aretoetako leihatiletan 10 sarrerako sortak egongo dira eskuragarri, 25 euroko prezioan (pertsona batentzat edo batzuentzat eta saio berberetarako edo desberdinetarako).
Prentsarako eskuragarri dauden materialak hemen kontsulta daitezke.
