-
Epaimahaiaren Saria Sail Ofizialeko Film Laburra Onenari “Tigre Místico”ri, Marc Martínez zuzendariaren lanari eman zaio, eta Epaimahaiaren Saria Euskal Film Laburra Onenari Lle Godoyren “Encajada” lanarentzat izan da.
-
Ikuspegi Fantastiko sailean, Film Luze Onenaren Epaimahaiaren Saria Luis Tinocoren “La Paradoja de Antares” filmarentzat izan da, eta Film Laburra Onenari Saria Oscar Boyson zuzendariaren “Power Signal” filmarentzat.
-
Zinemaldiko ikusleek Publikoaren Saria Film Luze Onenari Alain Ughettoren “No Dogs or Italians Allowed” filmari eman diote; eta, Publikoaren Saria Film Labur Onenari Lle Godoyren “Encajada”-rentzat izan da.
-
Palmaresa bihar proiektatuko da BBK Aretoan; 18:00etan Ikuspegi Fantastikoaren Atalaren tituluak; eta 20:00etan, Sail Ofizialean saritutako tituluak.
(Bilbon, 2023ko maiatzaren 12an).- FANTen – Bilboko Zinemaldi Fantastikoaren 28. edizioko Sail Ofizialeko Epaimahaiak, Ernesto del Río, ZINEBI (2000-2017) eta Bilbao Bizkaia Film Commission (2006-2017) zuzendariak; Iratxe Fresneda, UPV/EHUko Ikus-entzunezko Komunikazio Saileko irakaslea eta filmegileak; eta Marta Medina, zinema kritikaria, gidoilaria eta laburmetraiegileak osatuta, Ludovic Boukherma eta Zoran Boukherma errealizadore frantsesen “Year of the Shark” filmari eman diote aurtengo Film Luzerik Onenari Saria, “beldurrezko zinemaren klasikoetako baten berridazketan hizkuntza zinematografikoarekin jolasteko zorroztasunagatik eta bere umore eldarniotsuagatik”.
Film laburrei dagokienez, Epaimahaiaren Saria Sail Ofizialeko Film Laburra Onenari Marc Martinez zuzendariaren “Tigre Místico” lanarentzat izan da, “fantastikoaren tradizioak modu burutsuan jasotzeko orduan duen lotsagabekeriagatik eta eguneroko bizitzaren absurdoari etekina ateratzen jakiteagatik“.
Gainera, Lle Godoyren “Encajada” aukeratu dute Euskal Film Laburrik Onena izateko. Bere kasuan, epaimahaiak nabarmendu du bere “trebezia baliabide minimoekin fabula iradokitzaile eta organiko bat artikulatzeko, protagonistaren jardun arriskutsuagatik, konbentzioetatik ihes egiten saiatzen den istorioa zentzuz betetzen baitu”.
Bestalde, Euskal Gidoigileen Elkarteak emandako Saria Sail Ofizialeko Film Luzeen Gidoirik Onenari irabazi duen titulua Magdalena Lauristch zuzendariaren “Rubikon” izan da, “premisaren adimenagatik, erritmo eta tentsio narratiboaren erabileragatik, eta zientzia-fikzioaren baliabideak historia unibertsal bezain humanista bat kontatzeko erabiltzeagatik”.
FANT Zinemaldiaren 29. edizio honetan, CineClub FAS emandako Sail Ofizialeko Zuzendari Berritzaileenari Saria “Viejos” pelikularentzat izan da, Raúl Cerezo eta Fernando González egindako filma, “hirugarren adinekoek jasaten duten ulertezintasunari begirada enpatikoa uztartzeak dakarren ausardiagatik, aldi berean beldurrik eta lotsarik gabe genero-zineman eta B serierik zentzugabeenean murgilduz. Hori guztia toki komunari alergia dion kamera batek gidatuta, eta beti enkoadraketa iradokitzaileenari eta berritzaileenari adi”.
Euskal Film Laburretan Antzezpen Onenaren Saria Ane Guisasolarentzan izan da, Lle Godoyk zuzendutako “Encajanda”-n egindako interpretazioagatik.
Ikusleek, FANT 2023ko Palmaresean ere parte hartu dute eta Publikoaren Saria Sail Ofizialeko Film Luze Onenari eman diete Alain Ughetto zuzendariaren “No Dogs or Italians Allowed” filmari; eta Publikoaren Saria Film Labur Onenari Lle Godoyren “Encajada”-rentzat izan da.
IKUSPEGI FANTASTIKOA
Ikuspegi Fantastiko Epaimahaiak, Alaitz Arenzana Zinegoak jaialdiko egungo zuzendari artistikoak, Javier Echániz gidoilariak eta Susana Miravalles gidoilari, zuzendari eta muntatzaileak osatuta, Luis Tinocoren “La Paradoja de Antares” filmari eman dio Film Luzerik Onenaren Saria “espazio minimo eta bakar batean egindako crescendo dramatiko landuagatik, eta, muturrera eramanez, gure bizitzetan oso ezaguna den dilema planteatzeagatik”.
Sail honetan, Film Laburra Onenari Saria Oscar Boysonen “Power Signal” tituluarentzat izan da. Epaimahaiak nabarmendu du “fantasiazko generora jotzeko duen trebetasuna, geure burua hemen eta orain sotilki eta girotze inguratzaile eta dotore baten bidez erakusteko”
Palmares nagusia bihar proiektatuko da BBK Aretoan: 18:00etan Ikuspegi Fantastikoaren Atala eta, 20:00etan, Sail Ofizialean saritutako tituluak.
“Year of the Shark” filma azpititulu bikoitzekin proiektatuko da, euskaraz eta gaztelaniaz.
FANT 2023 PALMARESA
-
SAIL OFIZIALA
– SAIL OFIZIALEKO FILM LUZERIK ONENARI EPAIMAHAIAREN SARIA
“Year of the Shark“, Ludovic Boukherma eta Zoran Boukherma zuzenduta
Saria 3.500 €-koa da.
– EPAIMAHAIAREN SARIA SAIL OFIZIALEKO FILM LABURRA ONENARI
“Tigre Místico”, Marc Martínez zuzenduta
Saria 3.000 €- koa da.
– EPAIMAHAIAREN SARIA EUSKAL FILM LABURRA ONENARI
“Encajada“, Lle Godoy zuzenduta
Saria 2.000 €- koa da.
– EUSKAL FILM LABURRETAN ANTZEZPEN ONENAREN SARIA
Ane Guisasola, “Encajada”-n egindako interpretazioagatik
– SAIL OFIZIALEKO ZUZENDARI BERRITZAILEENARI CINEBLUB FAS EMANDAKO SARIA
“Viejos”, Raúl Cerezo eta Fernando González zuzenduta
– SAIL OFIZIALEKO FILM LUZEEN GIDOIRIK ONENARI EUSKAL GIDOIGILEEN ELKARTEAK EMANDAKO SARIA
“Rubikon”, Magdalena Lauristch zuzenduta
– PUBLIKOAREN SARIA SAIL OFIZIALEKO FILM LUZE ONENARI
“No Dogs Or Italians Allowed “, Alain Ughetto zuzenduta
-PUBLIKOAREN SARIA SAIL OFIZIALEKO FILM LABURRA ONENARI
“Encajada”, Lle Godoy zuzenduta
Saria 3.000 €- koa da.
-
IKUSPEGI FANTASTIKOA
– EPAIMAHAIAREN SARIA IKUSPEGI FANTASTIKOA SAILEKO FILM LUZE ONENARI
“La Paradoja De Antares” Luis Tinoco zuzenduta
Saria 2.250 €- koa da €.
– EPAIMAHAIAREN SARIA IKUSPEGI FANTASTIKOA SAILEKO FILM LABURRA ONENARI
“Power Signal”, Oscar Boyson zuzenduta
Saria 1.500 €- koa da
-
FANTROBIA SARIA
FANTROBIA Carlota Pereda zuzendariarentzat izan da
-
IZAR FANTASTIKOA SARIA
IZAR FANTASTIKOA SARIA Belén Rueda aktoreari
-
OHOREZKO FANT SARIA
Zorion Eguileor eta Paco Plaza
SARE SOZIALAK:
#FANT29