DESENTERRANDO SAD HILL

2017 · Guillermo Fernández de Oliveira · Espaina - España - Spain · 83 min

Atala:

maiatzak 9 / 18:00etan Golem Alhóndiga (Sala 1)

Zinearen historiako lokalizazio ezagunenetakoaren istorio sinestezinari buruzko film luze dokumentala. Fansen ametsak eta motibazioak aztertzen dituen dokumentala, baina baita artea, musika eta zinea benetako bilaketa eta transzendentzia esperientzia eraldatzeko prozesua ere.
1966an, Espainiako Armadak 5.000 hilobi baino gehiago zituen hilerri izugarria eraiki zuen Burgoseko Valle de Mirandillan, El bueno, el feo y el malo filmaren amaierako eszenarako. Errodatzearen ondoren, lekua bertan behera geratu zen eta 49 urtez landareek hilobi guztiak estali zituzten.
2015eko urrian, filmaren fans talde batek lurra zulatzen hastea erabaki zuen… eta, 10 zentimetroko sakonera zulatu ostean, jatorrizko harrizko zirkulua aurkitu zuen. Hilabetez, Europa osoko pertsonak Sad Hill-era joan dira leku hori lurretik ateratzeko eta berreraikitzeko lan egitera. Eta Desenterrando Sad Hill prozesu osoaren grabazioaren emaitza da… baita hasi aurretik ere.

Vigon jaio zen 1986an. Ikus-entzunezko Komunikazio eta Kazetaritzan lizentziatua da. Azken hamar urteak publizitatearen sektorean eman ditu lanean eta zine zuzendaritza eta gidoi idazkera tailerretan ere hartu du parte Los Angeleseko New York Film Academy izenekoan (AEB) eta San Antonio de los Bañoseko (Kuba) EICTVn (Escuela Internacional de Cine y TV).
Zapruder Pictures bere ekoiztetxearekin batera, lehenengo film laburrak egin zituen, bideo-jokoak irudi errealera egokituz. Ingelesez errodatuta daude eta bost milioi erreprodukzio inguru biltzen dituzte Youtubeko kanalean: Max Payne: Valhalla (2012), Modern Warfare: Sunrise (2013), edo Red Dead Redemption: Seth’s Gold (2015) saritua.
Lehenengo film luzea Desenterrando Sad Hill dokumentala izan zen. Bertan, fanatiko talde batek Sergio Leoneren El bueno, el feo y el malo film klasikoaren azken sekuentzian agertzen den hilerria berreraikitzeko aurrera daramaten odisea kontatzen da. Sitgeseko Jaialdiko Noves Visions Film Onenaren Saria lortu zuen eta 2019ko Dokumental Onenaren Goya Sarirako izendapena jaso zuen. Zine aretoetatik igaro ondoren, filma Netflixen estreinatu zen mundu osoan.