Argentina, 1866. Urrutiko gerra baten aurreko beldurrak eta eskasiak markatutako lurralde batean, Venantziok, gautxo gazte batek, eskuertzo bat hil du: animalia txikiagoez elikatzen den apo handi modukoa. Amak apo hura mendekatzeko berpiztuko dela iragartzen duenean, Venantziok bidaia sakona hasiko du lurralde marjinatu batean barrena. Abere-lapur, apaiz, xaman eta desertoreen artean bilatzen du madarikaziotik salbatzea.
Cordobako zuzendari eta gidoilaria, ENERCen graduatua eta Toulouseko ENSAVen bekaduna. Hamar bat film labur egin ditu nazioarteko zinemaldietan parte hartuz, BAFICIn, BSFFen eta Arte Gaztearen Biurtekoan, besteak beste. Bere ia lan guztia generoa nahasten duten narratibetan zentratu da: thriller, zientzia-fikzio, izu eta fantasia generoetako lanak egin ditu, beti bere ikuspegi lokala gehituz. Escuerzo da bere lehenengo film luzea, Ibermedia, Incaa eta Cordobako Ikus-entzunezko Poloaren irabazlea.
